Eron janubi-sharqidagi qum bo‘ronidan so‘ng 730 dan ortiq odam shifokorlarga murojaat qildi, deya xabar berdi mahalliy OAV.
Jabrlanganlarda nafas olish, ko‘rish va yurak-qon tomir tizimida muammolar borligi aniqlangan. Kasalxonada 60 ga yaqin odam qolmoqda. Joylarda shamol tezligi soniyasiga 26 metrga yetdi. Bir qator aholi punktlarida barcha davlat muassasalari yopildi.
Qum bo‘roni kelasi hafta o‘rtalarigacha davom etishi kutilmoqda.
Avvalroq Marokashda ham qum bo‘roni yuz bergani xabar qilingandi. Havo harorati 47 darajadan 25 darajagacha pasaygan.