AQSHda tornado oqibatida kamida 7 kishi halok bo‘ldi. Bu haqda Associated Press (AP) xabar berdi.
Agentlik maʼlumotlariga ko‘ra, halok bo‘lganlarning olti nafari Alabama shtatidan. Yana bir kishi Jorjiyada halok bo‘lgan.
Alabamadagi Otoga okrugida 50 ta uy vayron bo‘lgan. poweroutage.us portaliga ko‘ra, har ikki shtatda 100 ming isteʼmolchi elektrdan uzilgan.
O‘tgan hafta AQSHning ko‘plab shtatlarida qor bo‘ronlari tufayli favqulodda holat yuzaga kelgandi. Bundan tashqari, Kaliforniyada suv toshqinlari kuzatilgan.
