АҚШда торнадо оқибатида камида 7 киши ҳалок бўлди. Бу ҳақда Associated Press (AP) хабар берди.
Агентлик маълумотларига кўра, ҳалок бўлганларнинг олти нафари Алабама штатидан. Яна бир киши Жоржияда ҳалок бўлган.
Алабамадаги Отога округида 50 та уй вайрон бўлган. poweroutage.us порталига кўра, ҳар икки штатда 100 минг истеъмолчи электрдан узилган.
Ўтган ҳафта АҚШнинг кўплаб штатларида қор бўронлари туфайли фавқулодда ҳолат юзага келганди. Бундан ташқари, Калифорнияда сув тошқинлари кузатилган.