Estoniyani kuchli qor bo‘roni qopladi. Mamlakatda parvozlar bekor qilindi, 10 mingga yaqin xonadon elektr energiyasidam uzulib qolgan. Rasmiylar aholiga avtomobilda sayohat qilmaslikni tavsiya qilmoqda.
Ayrim hududlarda shamolning tezligi 28 m/s gacha kuchaygan. Meteorologlarning prognozlariga ko‘ra, yaqin soatlarda Estoniya sharqida yog‘ingarchilik va shamol kuchayadi.
Aeroport bergan ma’lumotlarga ko‘ra, Ryanairning Rim-Tallin reysi Vilnyusga, LOT Varshava-Tallin reysi Varshavaga qaytishga majbur bo‘lgan, Ryanarning Neapol-Tallin reysi va Lufthansaning Frankfurt-Tallin reysi Rigaga yo‘naltirilgan. Shuningdek, Rossiyaning “Lokomotiv Kuban” basketbol jamoasi bo‘lgan samolyot Tallinga qo‘na olmadi. Jamoa Estoniyaning BC Kalev/Kramo klubi bilan musoboqa o‘tkazish uchun kelishi kerak edi. Samolyot Sankt-Peterburgga yo‘l oldi.
Shuningdek, AQSHda ham qor bo‘ronlari kuzatilmoqda. Minglab odamlar elektr tokisiz qolgan.