Kecha, 18 sentyabr kuni Farg‘ona viloyatida “Labo” rusumli avtomashina gaz balloni portlab ketdi. Bu haqida viloyat IIB YHXB xabar bermoqda.
Qayd etilishicha, soat 12:00 larda 1986 yilda tug‘ilgan haydovchi Q.X. “Labo” rusumli avtomashinasiga gaz to‘ldirish uchun Farg‘ona shahar Qirguli mavzesida joylashgan AGTKSHga kirgan. Avtomashinadagi “propan” gaz turi uchun mo‘ljallangan balonga ehtiyotsizlik oqibatida “metan” gaz quyib yuborilishi natijasida avtomashinaga o‘rnatilgan gaz baloni portlab ketgan. Natijada “Labo” avtomashinasi texnik shikastlangan.
Hodisada natijasida tan jarohati olgan fuqarolar yo‘q. Hozirda ushbu holat yuzasidan qo‘shimcha o‘rganish ishlari olib borilmoqda.