Qayd etilishicha, Farg‘ona viloyatida faoliyat yurituvchi tadbirkor elektr energiyasi uchun to‘lov ikki baravar oshirib yuborilganidan norozi bo‘lib, Biznes-ombudsmanga murojaat qilgan.
Vakil devoni aralashuvi bilan “O‘zenergoinspeksiya” Farg‘ona viloyat boshqarmasi mutaxassislari tomonidan holat o‘rganildi. Natijada, jamiyatning elektr energiyasi sarfini hisoblashda xatolikka yo‘l qo‘yilgani aniqlangan. Hisob-kitob koeffitsiyenti 2000 bo‘lishi kerak bo‘lgan joyda 4000 qo‘llanilgan, bu esa to‘lovning oshishiga olib kelgan.
Ushbu holat yuzasidan “Farg‘ona HETK” AJ tomonidan qayta hisob-kitob amalga oshirilib, ortiqcha hisoblangan 1,1 mlrd so‘m tadbirkor foydasiga hal etildi.