Finlyandiya rossiyaliklarga turistik viza berishni kamaytiradi. Bu haqda mamlakat tashqi ishlar vaziri Pekka Xaavisto maʼlum qildi.
Uning so‘zlariga ko‘ra, odatiy turistik vizalar qisqartiriladi. Asosiy eʼtibor oilaviy sabablar bilan sayohat qilayotgan, taʼlim yoki ishlash maqsadida kelganlarga beriladi.
Maʼlumot o‘rnida: O‘tgan haftada Vladimir Zelenskiy Rossiya fuqarolariga Shengen vizalarini berishni to‘xtatishga chaqirdi. Shundan so‘ng bir qator davlatlar viza berishni to‘xtatdi. Xususan, Estoniya shunday yo‘l tutgan.
Ammo 13 avgust kuni Zelenskiy Moskva taʼqibida bo‘lgan rossiyaliklarni Yevropaga kiritishni taklif qildi.