Ukraina Rossiya tez orada hujum boshlashi haqida "o‘ta ishonchli razvedka maʼlumotlari" olganini maʼlum qildi. Bu haqda Financial Times nashri xabar berdi.
Gazetaning Ukraina mudofaa vazirligidagi maʼlumotlariga ko‘ra, hujumlar 10 kun ichida boshlanishi mumkin. Ekspertlar ehtimoliy harakatlar nuqtasi sifatida Lugansk viloyatining g‘arbiy qismini, Kremennaya va Liman shaharlari atrofini ko‘rsatmoqda.
Rossiya oxirgi haftalarda bu yerda katta qo‘shin to‘plamoqda. Shuningdek, Donesk viloyatining janubida ham harbiylar soni oshirilmoqda.