FT: Россия ўн кун ичида йирик ҳужум бошлаши мумкин
Украина томони бу бўйича ўта ишончли маълумотлар борлигини айтмоқда.
Украина Россия тез орада ҳужум бошлаши ҳақида "ўта ишончли разведка маълумотлари" олганини маълум қилди. Бу ҳақда Financial Times нашри хабар берди.
Газетанинг Украина мудофаа вазирлигидаги маълумотларига кўра, ҳужумлар 10 кун ичида бошланиши мумкин. Экспертлар эҳтимолий ҳаракатлар нуқтаси сифатида Луганск вилоятининг ғарбий қисмини, Кременная ва Лиман шаҳарлари атрофини кўрсатмоқда.
Россия охирги ҳафталарда бу ерда катта қўшин тўпламоқда. Шунингдек, Донецк вилоятининг жанубида ҳам ҳарбийлар сони оширилмоқда.
