Yaponiyadagi "Fukusima-1" atom elektr stansiyasining operatori hisoblangan Tokyo Electric Power energetika kompaniyasi xodimlari atom stansiyasidan tozalangan suvning birinchi partiyasini okeanga chiqarishni yakunladi. Bu haqda Kyodo agentligi xabar berdi.
Birinchi partiyaning hajmi taxminan 7,8 ming tonna suyuqlikni tashkil etdi. Tokyo Electric Power ishchilari atom elektr stansiyasida joylashgan uskunalarni tekshirib bo‘lganidan so‘ng sentyabr oyi oxirigacha yana shuncha hajmdagi suvning ikkinchi partiyasini okeanga to‘kishni boshlashi kutilmoqda.