"Фукусима-1" АЭСдан сув оқизишнинг биринчи босқичи якунланди
Тинч океанига жами 7,8 минг тонна суюқлик қуйилган.
Япониядаги "Фукусима-1" атом электр станциясининг оператори ҳисобланган Tokyo Electric Power энергетика компанияси ходимлари атом станциясидан тозаланган сувнинг биринчи партиясини океанга чиқаришни якунлади. Бу ҳақда Kyodo агентлиги хабар берди.
Биринчи партиянинг ҳажми тахминан 7,8 минг тонна суюқликни ташкил этди. Tokyo Electric Power ишчилари атом электр станциясида жойлашган ускуналарни текшириб бўлганидан сўнг сентябрь ойи охиригача яна шунча ҳажмдаги сувнинг иккинчи партиясини океанга тўкишни бошлаши кутилмоқда.
