Yevropaning TTF xabida seshanba kungi savdo davomida gaz narxi megavatt-soatiga 77 yevro tushdi. Bu ming kubometriga 820 yevroni bildiradi. Bu Ukrainadagi mojaro boshidan beri eng past ko‘rsatkich.
Rossiyaning harbiy operatsiyasi boshlanishidan 2 kun oldin, yaʼni 22 fevralda gaz narxi megavatt-soatiga 80 yevrodan pastroq bo‘lgan. Avgust oxiriga kelib gaz narxi rekord darajada ko‘tarilib, megavatt-soatiga 350 yevroga yetdi.
Gaz narxi pasayishiga dekabr oyida Yevropada issiq havo hukmron bo‘lgani va shamol elektr stansiyalaridan katta miqdorda quvvat olingani sabab bo‘ldi.
Germaniya gaz omborlari 88,2% ga to‘laligicha qolmoqda. Noyabr boshida ham Rossiya yetkazmalari to‘xtatilganiga qaramay ular 99%ga to‘la bo‘lgan.