Ijtimoiy tarmoqlarda AQShning Green Card (Diversity Visa) dasturi boʻyicha yangi mavsum uchun roʻyxatdan o‘tish boshlanganiga oid maʼlumotlar tarqalmoqda. AQShning Oʻzbekistondagi elchixonasi ushbu maʼlumotlarni asossiz ekanini maʼlum qildi.
Diplomatik missiya taʼkidlashicha, DV–2027 dasturiga roʻyxatdan oʻtish sanasi va ariza berish jarayoniga doir barcha yangiliklar faqat AQSh Davlat departamenti tomonidan tasdiqlanganidan soʻng rasman eʼlon qilinadi.
Shuningdek, elchixona ijtimoiy tarmoqlarda tarqalgan rasmiy boʻlmagan postlar, turli kanallar va shaxslar tomonidan berilayotgan “roʻyxatdan oʻtishda yordam”, “yutish imkoniyatini oshirish” kabi pullik takliflar firibgarlik ekanini eslatdi.