Gretsiya Yevropa Ittifoqining 12 yildan beri amal qilib kelayotgan tashqi moliyaviy nazorat tizimidan rasman chiqdi. Bu haqda mamlakat hukumati rahbari Kiryakos Mitsotakis ma’lum qildi. U buni “Yunoniston uchun tarixiy kun” deb atagan.
O‘z navbatida, Mitsotakis Yevropa Ittifoqi nazoratisiz ham Gretsiyada so‘nggi yillarda og‘ir moliyaviy inqirozga olib kelgan xatolar hech qachon takrorlanmasligi kerakligini ta’kidladi.
“Bir tomondan ish haqi oshadi va soliqlar qisqartiriladi, boshqa tomondan bu moliyaviy barqarorlikni saqlashga qaratilgan sa’y-harakatlarga putur yetkazmasligi kerak”, deya ogohlantirdi Gretsiya Bosh vaziri.