Saudiya Arabistonida rasmiy ruxsatsiz Haj amalini bajarishga uringan 17 mingdan ortiq odam hibsga olindi. Bu haqda Saudiya Arabistoni axborot agentligi Jamoat xavfsizligi xizmatiga tayanib xabar berdi.
Rasmiylarga ko‘ra, muqaddas ziyoratda bu yil ikki milliondan ortiq kishi qatnashgan. Bu pandemiya boshlanganidan beri eng yuqori ko‘rsatgichdir.
Shu bilan birga, 17 615 nafar fuqaro zarur qonuniy ruxsatnomasiz Hajga borishga harakat qilgan. Shundan to‘qqiz ming besh yuz nafari yashash, ishlash va chegara qo‘riqlash qoidalarini buzgan. Bundan tashqari, odamlarni Haj ziyoratgohlariga noqonuniy olib kelgan 33 kishi hibsga olindi.
