Ҳаж зиёрати чоғида 17 мингдан ортиқ киши ҳибсга олинди
Бу ҳақда Саудия Арабистони ахборот агентлиги маълум қилди.
Саудия Арабистонида расмий рухсатсиз Ҳаж амалини бажаришга уринган 17 мингдан ортиқ одам ҳибсга олинди. Бу ҳақда Саудия Арабистони ахборот агентлиги Жамоат хавфсизлиги хизматига таяниб хабар берди.
Расмийларга кўра, муқаддас зиёратда бу йил икки миллиондан ортиқ киши қатнашган. Бу пандемия бошланганидан бери энг юқори кўрсатгичдир.
Шу билан бирга, 17 615 нафар фуқаро зарур қонуний рухсатномасиз Ҳажга боришга ҳаракат қилган. Шундан тўққиз минг беш юз нафари яшаш, ишлаш ва чегара қўриқлаш қоидаларини бузган. Бундан ташқари, одамларни Ҳаж зиёратгоҳларига ноқонуний олиб келган 33 киши ҳибсга олинди.
