Kecha ijtimoiy tarmoqlarda “Labo” haydovchisi mashinaning yukxonasiga farzandlarini mindirib harakatlanayotgani aks etgan video tarqaldi.
Voqea Toshkent viloyatida kecha, 6-sentabr kuni sodir bo‘lgan, farzandlarini “Labo” mashinasining yukxonasiga mindirib harakatlangan erkakka chora ko‘rildi. Bu haqda viloyat YHXX axborot xizmati xabar berdi.
Viloyat YHXB xodimlari tomonidan olib borilgan surishtiruvlar natijasida haydovchining shaxsiga aniqlik kiritilgan.
Shuningdek, bunday holatlar takrorlanmasligi uchun haydovchi bilan profilaktik suhbatlar o‘tkazilib, elektron tarzda hujjatlar rasmiylashtirilgan. Shu bilan birga haydovchi Maʼmuriy javobgarlik to‘g‘risidagi kodeksning tegishli moddalariga asosan maʼmuriy javobgarlikka tortilgan.
«Mashinamda farzandlarimni maktabga olib borayotgandim, chunki maktab sal uzoqroqda, ichkari mahallada, 1 kilometr 600 metr kirib-chiqishga texnika qatnamagani sababli, ham yonimda dadam o‘tirgani uchun yukxonaga mindirishga majbur bo‘ldim. Bunday holat boshqa takrorlanmaydi», — degan haydovchi.