Hindiston shimolidagi Uttarakxand shtatida kuchli yomg‘irlar oqibatida yuzaga kelgan suv toshqinlari va ko‘chkilar yangi vayronagarchilik to‘lqinini keltirib chiqardi. Tabiiy ofat natijasida 17 kishi halok bo‘ldi, o‘ndan ortiq kishi bedarak yo‘qoldi.
Bundan tashqari, kuchli toshqin Rispana va Bindal daryolaridagi ko‘priklarni yuvib tashlagan, bu esa jabrlangan aholiga yordam ko‘rsatishga to‘sqinlik qilmoqda.
Viloyatdagi maktablar vaqtincha yopilgan, davlat idoralari faoliyati to‘xtatilgan.
Shtat poytaxti Dehradun eng ko‘p zarar ko‘rgan. Rasmiylarning aytishicha, jabrlangan hududlar va uning atrofida qutqaruv ishlari davom etmoqda.