Ҳиндистон шимолидаги Уттаракханд штатида кучли ёмғирлар оқибатида юзага келган сув тошқинлари ва кўчкилар янги вайронагарчилик тўлқинини келтириб чиқарди. Табиий офат натижасида 17 киши ҳалок бўлди, ўндан ортиқ киши бедарак йўқолди.
Бундан ташқари, кучли тошқин Риспана ва Биндал дарёларидаги кўприкларни ювиб ташлаган, бу эса жабрланган аҳолига ёрдам кўрсатишга тўсқинлик қилмоқда.
Вилоятдаги мактаблар вақтинча ёпилган, давлат идоралари фаолияти тўхтатилган.
Штат пойтахти Деҳрадун энг кўп зарар кўрган. Расмийларнинг айтишича, жабрланган ҳудудлар ва унинг атрофида қутқарув ишлари давом этмоқда.