"Hisense" ketma-ket uchinchi marta Germaniyada kelasi yozda bo‘lib o‘tadigan Yevropa chempionati – Yevro-2024 ning global homiysiga aylandi.
Yevropa futbol assotsiatsiyalari ittifoqi bilan imzolangan shartnoma doirasida Hisense, shuningdek, 2023-2024 va 2025-2026 yillardagi UEFA Yevropa saralash o‘yinlari, 2025-yilda UEFA milliy finallari, shuningdek, Yevro-2025 uchun homiylik huquqini oladi.
“Hisense" Yevropa futbolida faol ishtirok etayotganidan xursandmiz. Uning mahsulotlari va texnologiyalari bizga sportni yanada qulayroq qilishimizga yordam beradi va butun dunyo bo‘ylab muxlislarga o‘zlari yoqtirgan o‘yindan bahramand bo‘lish imkonini yaratadi”, — dedi UEFA prezidenti Aleksandr Cheferin.
Kompaniya hisob-kitoblariga ko‘ra, so‘nggi besh yil ichida "Hisense" brendining dunyoda mashhurligi qariyb ikki baravar oshgan, xorijdagi xabardorlik esa faqat homiylik va sport musobaqalarida ishtirok etish orqali 25 foizga oshgan. Kompaniya avvalroq ikkita Yevropa chempionatlari – 2016 va 2020-yillar, shuningdek, 2022-yilgi jahon chempionatiga homiylik qilgan.
1969 yilda tashkil etilgan "Hisense" kompaniyasi televizorlar, yirik maishiy texnika, smartfonlar, split tizimlar va inverterli konditsionerlar ishlab chiqaradi.