Bugun, 27-noyabr kuni Farg‘ona va Namangan xalqaro aeroportlarining noqulay ob-havo sharoiti (tuman, ko‘rishning yetarli darajada emasligi) tufayli Uzbekistan Airways’ning Toshkent–Namangan, Namangan–Perm, Toshkent–Farg‘ona, Farg‘ona–Dubay qatnovlari majburiy kechiktirilmoqda.
Texnik sabablarga ko‘ra, Toshkent–Istanbul reysi tez orada o‘z yo‘nalishi bo‘yicha jo‘nab ketadi. Istanbul–Toshkent reysi ham kechikish bilan amalga oshiriladi.
Perm–Namangan, Dubay–Farg‘ona va Farg‘ona–Toshkent reyslari ham kechikib amalga oshiriladi.
“Keltirilgan noqulayliklar uchun yo‘lovchilar va ularni kutib oluvchilardan uzr so‘raymiz”, — deyiladi “Uzbekistan Airways” AJ xabarida.