Prabovo Subianto Indoneziya prezidenti etib saylandi. Bu haqda Indoneziya Markaziy saylov komissiyasi eʼlon qildi.
Fevral oyi o‘rtalarida bo‘lib o‘tgan saylovda mamlakatning sobiq mudofaa vaziri Prabovo Subianto 58,6 foiz ovoz bilan g‘alaba qozongan. Uning inauguratsiyasi joriy yilning 20 oktyabr kuni bo‘lib o‘tadi.
Subiantoning saylovdagi ikki raqibi Ganjar Pranovo va Anis Basvedan o‘z mag‘lubiyatini tan olmasligini va Indoneziya konstitutsiyaviy sudiga murojaat qilmoqchi ekanligini maʼlum qilgan.