Прабово Субианто Индонезия президенти этиб сайланди. Бу ҳақда Индонезия Марказий сайлов комиссияси эълон қилди.
Февраль ойи ўрталарида бўлиб ўтган сайловда мамлакатнинг собиқ мудофаа вазири Прабово Субианто 58,6 фоиз овоз билан ғалаба қозонган. Унинг инаугурацияси жорий йилнинг 20 октябр куни бўлиб ўтади.
Субиантонинг сайловдаги икки рақиби Ганжар Праново ва Анис Басведан ўз мағлубиятини тан олмаслигини ва Индонезия конституциявий судига мурожаат қилмоқчи эканлигини маълум қилган.