Isroil so‘nggi hujumda Eronning ikkita harbiy bazasiga zarba berdi. Bu haqida Associated Press nashri xabar berdi.
Qayd etilishicha, Isroil hujumi Parchin harbiy bazasi yaqinidagi obyektlarga zarar yetkazgan. Eron bu yerda yadro qurolini ishga tushirishi mumkin bo‘lgan portlovchi moddalarni sinovdan o‘tkazgan.
Xojir harbiy bazasi yaqinida ham vayronalar qayd etilgan. Tahlilchilar bu bazada yer osti tunnel tizimi va ballistik raketa ishlab chiqarish quvvatlari borligini bildirishgan.