Isroil mudofaa kuchlari HAMAS harakatining harbiy qanoti sanalgan “Al-Mavasi” batalyoni qo‘mondoni Xalil Abd an-Nosir Muhammad Xatibni yo‘q qilganini ma’lum qildi. Bu haqda Isroil armiyasi matbuot xizmati bayonot berdi.
Rasmiy ma’lumotlarga ko‘ra, Xatib 2024-yil 22-yanvar kuni Isroil qo‘shinlari joylashgan binolarga va Al-Mavasi hududida xavfsizlikni ta’minlayotgan tank bo‘linmasiga qarshi raketa hujumini uyushtirgan. Ushbu hujum natijasida 21 nafar Isroil askari halok bo‘lgani aytilmoqda.
Isroil armiyasi Xatibni “bir nechta terrorchilik hujumlarida faol ishtirok etgan shaxs” deb atab, uning o‘ldirilishini harbiy operatsiyalardagi muhim natija sifatida baholadi. G‘azo sektoridagi vaziyat esa tobora keskinlashmoqda.