2-fevral kuni “Toshkent shahar jamoat transporti tizimini yanada rivojlantirishga doir qo‘shimcha chora-tadbirlar to‘g‘risida”gi Prezident qarori qabul qilindi.
Unga ko’ra, Toshkent shahar jamoat transporti sohasida xususiy sektor ulushini 2 barobarga oshirish rejalashtirilgan. Shuningdek, vyelosipedlarni ijaraga berish uchun maxsus turarjoylar tashkil etiladi hamda “aqlli chorraha”, “aqlli avtobus” va “aqlli bekat” tizimlari joriy qilinadi.
Bundan tashqari, jamoat transportini 2025-yilgacha rivojlantirishning maqsadli ko‘rsatkichlari doirasida quyidagi ishlar amalga oshiriladi:
– yo‘lovchi tashishlar hajmida jamoat transportining ulushi 21 foizdan 43 foizga oshiriladi;
– jamoat transportida kunlik yo‘lovchi tashish hajmi 2,7 million yo‘lovchiga yetkaziladi;
– jamoat transportining harakatlanishidagi oraliq vaqti 2 barobarga kamaytiriladi;
– 1 063 ta avtobus, 673 ta elektrobus xarid qilinadi.
2023 yil 1 yanvardan “bosib o‘tilgan yo‘l”, “yo‘lovchi oqimi” va “sifat” mezonlari bo‘yicha moliyalashtirishning yangi tizimi joriy etiladi.