2 февраль куни “Тошкент шаҳар жамоат транспорти тизимини янада ривожлантиришга доир қўшимча чора-тадбирлар тўғрисида”ги Президент қарори қабул қилинди.
Унга кўра, Тошкент шаҳар жамоат транспорти соҳасида хусусий сектор улушини 2 баробарга ошириш режалаштирилган. Шунингдек, велосипедларни ижарага бериш учун махсус тураржойлар ташкил этилади ҳамда “ақлли чорраҳа”, “ақлли автобус” ва “ақлли бекат” тизимлари жорий қилинади.
Бундан ташқари, жамоат транспортини 2025 йилгача ривожлантиришнинг мақсадли кўрсаткичлари доирасида қуйидаги ишлар амалга оширилади:
– йўловчи ташишлар ҳажмида жамоат транспортининг улуши 21 фоиздан 43 фоизга оширилади;
– жамоат транспортида кунлик йўловчи ташиш ҳажми 2,7 миллион йўловчига етказилади;
– жамоат транспортининг ҳаракатланишидаги оралиқ вақти 2 баробарга камайтирилади;
– 1 063 та автобус, 673 та электробус харид қилинади.
2023 йил 1 январдан “босиб ўтилган йўл”, “йўловчи оқими” ва “сифат” мезонлари бўйича молиялаштиришнинг янги тизими жорий этилади.