Janubiy Afrikada 60 ming litr suyultirilgan uglevodorod gazini olib ketayotgan yuk mashinasi portlab ketdi. Kamida 15 kishi halok bo‘ldi, o‘nlab kishilar jarohatlandi.
Voqea Yoxannesburgdan 20 kilometr uzoqlikdagi Boksburg turar-joy massivida yuz bergan. Yuk mashinasi past ko‘prik ostida qolib ketgan va yong‘inga ishqalanish sabab bo‘lgan. Hozirda tergov harakatlari olib borilmoqda.
Yaqin atrofdagi temir yo‘l relslari butunlay vayron bo‘lgan, binolar, jumladan, kasalxona binosi shikastlangan.
Bemorlarni evakuatsiya qilish to‘g‘ri keldi. Halok bo‘lganlar orasida ushbu tibbiyot muassasasining bir nechta xodimlari bor. 24 nafar bemor va 13 nafar tibbiyot xodimi jiddiy kuygan, kasalxonaga kiraverishda va avtoturargohda boshqa odamlar tan jarohati olgan.