Bugun, 17 may куни Jizzax shahar “Xalqabod” MFYda joylashgan bozor yaqinidagi choyxonada yong‘in sodir bo‘ldi. Bu haqida Favqulodda vaziyatlar vazirligi xabar bermoqda.
Qayd etilishicha, 2 ta yong‘in-qutqaruv ekipaji voqea joyiga yetib borgan. Yong‘in soat 13:39 da qurshab olingan.
Yong‘inni o‘chirish ishlari davom etmoqda. Olib borilayotgan saʼy-harakatlar natijasida yong‘in maydoni qisqarib bormoqda.
Qo‘shimcha qilinishicha, ayrim ijtimoiy tarmoqlarda Jizzax shahardagi bozorda yong‘in sodir bo‘layotganligi to‘g‘risida noto‘g‘ri xabarlar tarqalmoqda. Aslida yong‘in bozor yaqinidagi oshxonada ro‘y bergan.