Бугун, 17 май куни Жиззах шаҳар “Халқабод” МФЙда жойлашган бозор яқинидаги чойхонада ёнғин содир бўлди. Бу ҳақида Фавқулодда вазиятлар вазирлиги хабар бермоқда.
Қайд этилишича, 2 та ёнғин-қутқарув экипажи воқеа жойига етиб борган. Ёнғин соат 13:39 да қуршаб олинган.
Ёнғинни ўчириш ишлари давом этмоқда. Олиб борилаётган саъй-ҳаракатлар натижасида ёнғин майдони қисқариб бормоқда.
Қўшимча қилинишича, айрим ижтимоий тармоқларда Жиззах шаҳардаги бозорда ёнғин содир бўлаётганлиги тўғрисида нотўғри хабарлар тарқалмоқда. Аслида ёнғин бозор яқинидаги ошхонада рўй берган.