Ijtimoiy tarmoqla Jizzax viloyatining Zafarobod tumani IIB PPX va JTSB xodimi Mamayusuf Rahmatullayev bedarak yo‘qolgani haqida xabarlar tarqalmoqda. Mazkur maʼlumotni Bosh prokuratura matbuot kotibi Hayot Shamsutdinov Zamon.uz'ga tasdiqladi.
Uning bildirishicha, Mamayusuf Rahmatullayev 27 oktyabr kuni ertalab ishga ketgan. U shundan keyin yashash uyiga qaytmagan. Xodimning qayerga ketgani hozircha maʼlum emas. Olib borilayotgan qidiruv ishlariga qaramay u hamon topilmagan.
Mamayusuf Rahmatullayevga nisbatan Zafarobod tumani prokuraturasi tomonidan 2025 yil 19 noyabr kuni Jinoyat kodeksining 168-moddasi (firibgarlik) bo‘yicha jinoyat ishi qo‘zg‘atilgan.