Жиззахда ИИБ ходими бедарак йўқолди
Унга нисбатан фирибгарлик бўйича жиноят иши қўзғатилган.
Ижтимоий тармоқла Жиззах вилоятининг Зафаробод тумани ИИБ ППХ ва ЖТСБ ходими Мамаюсуф Раҳматуллаев бедарак йўқолгани ҳақида хабарлар тарқалмоқда. Мазкур маълумотни Бош прокуратура матбуот котиби Ҳаёт Шамсутдинов Zamon.uz'гa тасдиқлади.
Унинг билдиришича, Мамаюсуф Раҳматуллаев 27 октябрь куни эрталаб ишга кетган. У шундан кейин яшаш уйига қайтмаган. Ходимнинг қаерга кетгани ҳозирча маълум эмас. Олиб борилаётган қидирув ишларига қарамай у ҳамон топилмаган.
Мамаюсуф Раҳматуллаевга нисбатан Зафаробод тумани прокуратураси томонидан 2025 йил 19 ноябрь куни Жиноят кодексининг 168-моддаси (фирибгарлик) бўйича жиноят иши қўзғатилган.
