AQSH prezidenti Jo Baydenning Delaver shtatidagi uyida FQB tergovchilari yangi maxfiy hujjatlarni topdi. Bu haqda CNN xabar berdi.
13 soat davom etgan tintuv paytida AQSH Adliya vazirligi “maxfiy” deb belgilangan oltita hujjat va tegishli materiallarni topgan.
Topilgan hujjatlar Baydenning Senatdagi va vitse-prezidentlik faoliyatiga tegishli. Tergovchilar, shuningdek, Baydenning o‘sha paytdagi shaxsiy qo‘lyozma yozuvlarini qo‘shimcha o‘rganish uchun tortib olishdi.
CNN telekanalining xabar berishicha, FQB AQSH prezidentining uyiga uning advokatlari roziligi va ularning ishtirokida reyd o‘tkazgan.