Жо Байденнинг уйидан яна махфий ҳужжатлар топилди
FQB президентнинг уйида 13 соат тинтув ўтказган.
АҚШ президенти Жо Байденнинг Делавер штатидаги уйида FQB терговчилари янги махфий ҳужжатларни топди. Бу ҳақда CNN хабар берди.
13 соат давом этган тинтув пайтида АҚШ Адлия вазирлиги «махфий» деб белгиланган олтита ҳужжат ва тегишли материалларни топган.
Топилган ҳужжатлар Байденнинг Сенатдаги ва вице-президентлик фаолиятига тегишли. Терговчилар, шунингдек, Байденнинг ўша пайтдаги шахсий қўлёзма ёзувларини қўшимча ўрганиш учун тортиб олишди.
CNN телеканалининг хабар беришича, FQB АҚШ президентининг уйига унинг адвокатлари розилиги ва уларнинг иштирокида рейд ўтказган.
