O‘zbekiston Respublikasi Prezidentining farmoni bilan Jo‘rabek Tursunpulatovich Mirzamahmudov O‘zbekiston Respublikasi Bosh vazirining yoqilg‘i-energetika va kimyo sohalarini rivojlantirish bo‘yicha o‘rinbosari — energetika vaziri lavozimiga tasdiqlandi. Bu haqda Prezident matbuot xizmati xabar bermoqda.
Ma’lumot uchun: Jo‘rabek Mirzamahmudov 1979-yili Namangan viloyatida tug‘ilgan. 2005-yili Toshkent kimyo-texnologiya institutini tamomlagan. Bugungi kunga qadar O‘zbekiston Respublikasi Energetika vazirining birinchi o‘rinbosari hamda “O‘zkimyosanoat” AJ raisi lavozimlarida faoliyat yuritgan.