Ўзбекистон Республикаси Президентининг фармони билан Жўрабек Турсунпулатович Мирзамаҳмудов Ўзбекистон Республикаси Бош вазирининг ёқилғи-энергетика ва кимё соҳаларини ривожлантириш бўйича ўринбосари — энергетика вазири лавозимига тасдиқланди. Бу ҳақда Президент матбуот хизмати хабар бермоқда.
Маълумот учун: Жўрабек Мирзамаҳмудов 1979 йили Наманган вилоятида туғилган. 2005 йили Тошкент кимё-технология институтини тамомлаган. Бугунги кунга қадар Ўзбекистон Республикаси Энергетика вазирининг биринчи ўринбосари ҳамда “Ўзкимёсаноат” АЖ раиси лавозимларида фаолият юритган.
