Shimoliy Koreya yetakchisi Kim Chen In Rossiya bo‘ylab sayohatini va mamlakatdagi qurollar bilan tanishishni davom ettirmoqda. Bu haqda 16-sentabr kuni Rossiya Mudofaa vazirligi ma’lum qildi.
Qayd etilishicha, Rossiya Mudofaa vaziri Sergey Shoygu Primoryedagi Knevich aerodromida Kim Chen Inga tur uyushtirgan.
Unga MiG-31I samolyoti va Rossiyada "gipersonik" deb ataladigan Kinjal aeroballistik raketasi ko'rsatildi.
Shimoliy Koreya yetakchisi Su-34 bombardimonchi, Su-30SM, Su-35S qiruvchi samolyotlari va Su-25SM3 hujumchi samolyoti bilan tanishdi.
Shuningdek, unga Tu-160 tovushdan tez strategik raketa tashuvchi bombardimonchi samolyoti, Tu-95MS turbovintli strategik raketa tashuvchi bombardimonchi samolyoti va Tu-22M3 uzoq masofali tovushdan tez raketa tashuvchi bombardimonchi samolyoti sovg‘a qilindi. Ushbu samolyotlarning barchasi Rossiya Federatsiyasi strategik yadroviy kuchlarining havo tarkibiy qismini tashkil qiladi.