Ким Чен Ин ҳамон Россияда
Унга ракета ташувчи бомбардимончи самолёт совға қилинди.
Шимолий Корея етакчиси Ким Чен Ин Россия бўйлаб саёҳатини ва мамлакатдаги қуроллар билан танишишни давом эттирмоқда. Бу ҳақда 16 сентябрь куни Россия Мудофаа вазирлиги маълум қилди.
Қайд этилишича, Россия Мудофаа вазири Сергей Шойгу Приморедаги Кневич аэродромида Ким Чен Инга тур уюштирган.
Унга МиГ-31И самолёти ва Россияда «гиперсоник» деб аталадиган Кинжал аэробаллистик ракетаси кўрсатилди.
Шимолий Корея етакчиси Су-34 бомбардимончи, Су-30СМ, Су-35С қирувчи самолётлари ва Су-25СМ3 ҳужумчи самолёти билан танишди.
Шунингдек, унга Ту-160 товушдан тез стратегик ракета ташувчи бомбардимончи самолёти, Ту-95МС турбовинтли стратегик ракета ташувчи бомбардимончи самолёти ва Ту-22М3 узоқ масофали товушдан тез ракета ташувчи бомбардимончи самолёти совға қилинди. Ушбу самолётларнинг барчаси Россия Федерацияси стратегик ядровий кучларининг ҳаво таркибий қисмини ташкил қилади.
