Avvаlroq joriy o‘quv yilida o‘rtacha bir dona darslik uchun yagona ijara to‘lovi 5707 so‘mni tashkil etayotgani, bu esa o‘tgan yilgi miqdorga nisbatan 108 foizga qimmat ekani xabar qilingandi. Holatga Oliy Majlis Qonunchilik palatasi deputati Rasul Kusherbayev munosabat bildirdi.
“O‘zbekiston Respublikasi Konstitusiyatsining 41-moddasida ‘Har kim bilim olish huquqiga ega. Bepul umumiy ta’lim olish davlat tomonidan kafolatlanadi’, deb belgilangan.
Ushbu Konstitusion norma talablaridan kelib chiqilsa, davlat umumta’lim maktablarida ta’lim berish bilan bog‘liq barcha jarayonlar bepul hisoblanadi. Bunda darsliklar bilan o‘quvchilarni ta’minlash ham.
Shu bois, maktablarda darslik kitoblarni pullik ijaraga berish ham Konstitusiyaga zid, deb hisoblaymiz.
Bu bizning nuqtayi nazarimiz va uni to‘g‘ri deb hisoblaymiz. Biroq bu boradagi yakuniy xulosani Konstitusiyaviy sudimiz bildirganida yanada maqsadga muvofiq ish bo‘lardi”, — deydi deputat.