AQSH yaqin haftalarda Ukrainaga NASAMS havo mudofaasi tizimining birinchi partiyasini yuborishini eʼlon qildi.
Bu haqda gapirgan Pentagon vakili Kiyevga havo mudofaasining katta qismi, jumladan 1,4 mingdan ortiq Stinger ko‘chma zenit raketa majmualari allaqachon yetkazib berilganini taʼkidladi.
AQSH Ukrainaga umumiy hisobda 8ta NASAMS tizimini yetkazib berishni rejalashtirgan. Ular Ukraina xavfsizligiga ko‘mak doirasida ajratiladi va AQSH mudofaa idorasi ishlab chiqaruvchilar bilan to‘g‘ridan-to‘g‘ri shartnoma tuzadi.
Avvalroq YEI ukrainalik askarlarni tayyorlash uchun mashg‘ulot missiyasini eʼlon qilgan.