АҚШ яқин ҳафталарда Украинага NASAMS ҳаво мудофааси тизимининг биринчи партиясини юборишини эълон қилди.
Бу ҳақда гапирган Пентагон вакили Киевга ҳаво мудофаасининг катта қисми, жумладан 1,4 мингдан ортиқ Stinger кўчма зенит ракета мажмуалари аллақачон етказиб берилганини таъкидлади.
АҚШ Украинага умумий ҳисобда 8та NASAMS тизимини етказиб беришни режалаштирган. Улар Украина хавфсизлигига кўмак доирасида ажратилади ва АҚШ мудофаа идораси ишлаб чиқарувчилар билан тўғридан-тўғри шартнома тузади.
Аввалроқ ЕИ украиналик аскарларни тайёрлаш учун машғулот миссиясини эълон қилган.