Bugun, 15-aprel kuni O‘zbekiston Respublikasi Prezidenti Administratsiyasi Axborot siyosati departamentining rahbari Komil Allamjonov nodavlat teleradiokanallar vakillari bilan uchrashuv o‘tkazdi.
Suhbat davomida milliy kontent yaratish bo‘yicha muammolar va ularga yechim topish yo‘llari batafsil muhokama qilindi.
Taʼkidlash joizki, inson ongi va qalbini zabt etish, unga o‘z hukmini o‘tkazish, maʼnaviyatidan, milliy urf-odat va qadriyatlaridan judo etishga yo‘naltiriladigan axborot xurujlari ko‘rinmaslik xususiyatiga ega. Shunday ekan, unga qarshi milliy axborot immunitetini shakllantirish, axborot maydonida raqobatbardosh milliy kontent yaratish masalasi dolzarb bo‘lib bormoqda.