Комил Алламжонов нодавлат телеканаллар вакиллари билан учрашди
Унда миллий контент яратиш бўйича муаммолар муҳокама қилинган.
Бугун, 15 апрель куни Ўзбекистон Республикаси Президенти Администрацияси Ахборот сиёсати департаментининг раҳбари Комил Алламжонов нодавлат телерадиоканаллар вакиллари билан учрашув ўтказди.
Суҳбат давомида миллий контент яратиш бўйича муаммолар ва уларга ечим топиш йўллари батафсил муҳокама қилинди.
Таъкидлаш жоизки, инсон онги ва қалбини забт этиш, унга ўз ҳукмини ўтказиш, маънавиятидан, миллий урф-одат ва қадриятларидан жудо этишга йўналтириладиган ахборот хуружлари кўринмаслик хусусиятига эга. Шундай экан, унга қарши миллий ахборот иммунитетини шакллантириш, ахборот майдонида рақобатбардош миллий контент яратиш масаласи долзарб бўлиб бормоқда.
