Tanzila Norboyeva boshchiligidagi O‘zbekiston Senati delegatsiyasi AQSHga tashrifini boshladi. Bu haqda O‘zbekistonning Vashingtondagi elchixonasi xabar berdi.
Senat raisi dastlab AQSH Kongressi kutubxonasiga tashrif buyurgan. Elchixonaning maʼlum qilishicha, Norboyeva dunyoning ushbu mashhur kutubxonasiga “O‘zbekiston madaniy merosi jahon to‘plamlarida” loyihasi doirasida nashr qilingan kitoblarni sovg‘a qildi. O‘zbekistonning AQSHdagi favqulodda va muxtor elchisi Javlon Vahobovning so‘zlariga ko‘ra, u Prokudin-Gorskiy suratlari to‘plamlari va Sharqshunoslik ilmiy-tadqiqot instituti qo‘lyozmalari faksimilesi joylangan kitoblardan iborat.
Avvalroq Tanzila Norboyevaning AQSHga tashrifidan ko‘zlangan maqsad maʼlum qilingandi.