Karlo Anchelotti "Real Madrid" bilan o'zining 12-kubogini qo'lga kiritdi. Italiyalik murabbiy bu ko'rsatkich bo'yicha Zinedin Zidanni (11 sovrin) ortda qoldirib, ikkinchi o'ringa chiqib oldi. Eng yaxshi natija 1970-1984-yillarda "Real Madrid" murabbiyi sifatida 14 marta boshi uzra turli kuboklarni ko'targan Migel Munyosga tegishli. Anchelotti 2013-yildan 2015-yilgacha Madrid klubida ishlagan. Bu davrda italiyalik murabbiy to'rtta sovrinni qo'lga kiritdi. Biroq, biron marta Ispaniya chempionligini qo'lga kirita olmadi. Boshqa tomondan, Karlo o'z nomini "Real Madrid" tarixiga abadiy yozib qoldirdi. Aynan u jamoaga Chempionlar Ligasidagi 10-g'alabani olib keldi. Anchelotti 2015-yilda "Real Madrid" bilan bir yil davomida birorta sovrin yuta olmaganidan so'ng klubni tark etadi.
"Sizlarga shuni ma'lum qilmoqchimanki, "Real Madrid" direktorlar kengashi Karlo Anchelottini iste'foga chiqarishga qaror qildi. Bu qarorni qabul qilish juda qiyin kechdi. Bizda juda katta talablar bor - "Real" har doim sovrinlarni qo'lga kiritishni xohlaydi", - degandi o'shanda "Real Madrid" prezidenti Florentino Peres.
Anchelotti 6 yildan so'ng yana "Real"ga qaytdi. Bu vaqt ichida u "Bavariya", "Napoli" va "Everton"da ishladi. Ammo bu davrlarni ijobiy baholash qiyin. Karlo hech qachon nemis klubi bilan Chempionlar ligasida g'alaba qozonmagan. Shuningdek, "Napoli" va "Everton" bilan ham hech qanday sovrin yutmagan. Madridga qaytishdan oldin Anchelotti Liverpul klubi bilan Premyer-ligada 10-o'rinni egalladi. "Real Madrid" o'tmishi shonli, ammo so'nggi yillardagi past ko'rsatkichlari sababli murabbiyni ijaraga oldi. Ayrimlar Karlo endi Yevropaning top-klublari bilan ishlashga tayyor emas degan fikrlarni bildirishdi. Shu tariqa Anchelotti "Real"ni ikkinchi marta tark etgan Zidanning o'rniga ishga olinadi. "The Athletic" xabariga ko'ra, Zidan ketganidan keyin Anchelotti "Real"ning birinchi tanlovi hisoblanmagan. Matbuotda Antonio Konte, Maurisio Pochettino, Massimiliano Allegri va hatto klub afsonasi Raul ham paydo bo'lgandi. Natijada Allegri "Yuventus"ga qaytdi va Konte esa nazorat va shartnomalar imzolash borasida yuqori talablar qo'yadi. Klubning o'sha paytdagi og'ir moliyaviy ahvolini tushunib, bunga ishonish qiyin edi.
Zidan ketishini e'lon qilganidan keyin bir necha kun davomida Ispaniya matbuotida Anchelotti nomi e'lon qilinmadi. Keyin esa birdan Karlo “Everton”ni tark etib, “Real”ga qaytishi haqida xabar paydo bo'ldi. Anchelotti "Real"dagi ilk faoliyati davomida hamma bilan yaxshi til topisha olgani muvaffaqiyat kaliti edi. Zidan ikkinchi marta ketganidan so'ng, madridliklar yangi g'oyalarga ega murabbiyning paydo bo'lishiga umid qilishgan. Yosh futbolchilarni tarbiyalashda aniq taktik reja va tajriba zarur edi. Aynan shu sababdan Konte va Pochettino da'vogarlar qatoridan joy oldi, ammo yakunda ikkalasi ham Madridga kelishmadi.
Anchelotti qaytganidan keyin Ispaniya nashrlari turli fikrlarni bildirishadi.
"Mundo Deportivo": “Karloni 2013-yilda Mourinyo qoldirgan "olov"ni o'chirish uchun chaqirishdi. Endi italiyalikning tayinlanishi ko'plab savollar tug'diradi, chunki u na birinchi, na ikkinchi, na uchinchi variant edi. Italiyalik futbolchining kelishi klubning noaniq sport kelajagini mustahkamlash zaruratidan ko'ra, o'tmishdagi muvaffaqiyatlarga bo'lgan nostalji bilan bog'liq. U "Everton"dagi qiyin vaziyatidan keyin buyuk klubni boshqarishga tayyormi? Zidandek afsonaning ketishi klubni qiyin ahvolga solib qo'ydi. Agar italiyalik murabbiyga qilingan tavakkal o‘z samarasini bermasa, Florentinoning uzrlari o'tmaydi va asosiy aybdor sifatida ko‘rsatiladi. Shu o'rinda savol tug'iladi: Anchelottining qaytishidan "Real" ko'proq foyda oladimi yoki yo'qotadimi?”, - deyiladi nashr e'lon qilgan materiallarning birida.
"AS": “Peres Anchelottining qaytishidan foydalanib, Zidan ketganidan keyin yuzaga kelgan keskinlikni yumshatdi. Bir podshoh o'lsa, uning o'rniga boshqasi keladi. Karlo muvaffaqiyat to'lqinida qaytmoqda, deb aytish qiyin, axir, "Everton" bilan 10-o'rin faxrlanish uchun sabab emas. Ammo umuman olganda, uning karerasi juda ko'p muvaffaqiyatli natijalar boy.
So'nggi xabarlarga ko'ra, Anchelotti "Real" bilan muzokaralar chog'ida qo'shimcha shartlar qo'ymagan. Bu favqulodda holatga aylandi. Murabbiy o'z klubi har qanday sharoitlarga moslashishga tayyorligini ko'rsatdi. Ispaniyada mutaxassislar Anchelotti eng qiyin vaziyatga duch kelishini aytishgan, chunki klubning qarzlari uning transfer bozorida katta yurishlarga yo'l qo'ymasligini ta'kidlashadi. Italiyalik qaytganidan keyingi birinchi mavsumda "Real" Chempionlar ligasida va Ispaniyad chempionga aylanadi. 2023-yilning mart oyida agar klub muhim sovrinni qo'lga kirita olmasa, "Real" Anchelottini iste'foga chiqarishi mumkinligi haqida ma'lumot paydo bo'ldi. Bir yil avval Chempionlar ligasida g‘olib chiqqan murabbiyni ishdan bo‘shatish qanchalik adolat me'zonlari to'g'ri keladi? Biroq, bu holat amalga oshmadi va "Real" Ispaniya kubogini qo'lga kiritdi. Endi Anchelotti ikkinchi marta mamlakat chempioniga aylandi va uning jamoasi Chempionlar ligasida navbatdagi g'alabaga juda yaqin turibdi. Qiziq, agar Peres 3 yil oldin boshqa murabbiy tayinlaganida "Real Madrid"ning natijalari qanday bo'lardi?