Fransiya prezidenti Emmanuel Makron Rossiya prezidenti Vladimir Putin bilan bir yarim soat telefon orqali suhbatlashdi, so‘ng Ukraina prezidenti Vladimir Zelenskiyga qo‘ng‘iroq qildi.
Bu Rossiya bilan Fransiya prezidentlari o’rtasida 24-fevraldan beri uchinchi suhbat hisoblanadi.
Shundan so‘ng Makron Ukraina yetakchisi Zelenskiy bilan gaplashdi. Ikkala suhbatning mazmuni haqida xabar berilmagan.
Eslatib o‘tamiz, Makron bilan avvalgi suhbati chog‘ida Putin Ukraina bilan muzokaralarga tayyor ekanini, biroq Qrim ustidan Rossiya suvereniteti tan olinishi, Ukraina davlatini demilitarizatsiyasi va “denazifikatsiyasi” hamda neytral maqom ta’minlanishi sharti bilan kelishini bildirgan edi.
Xabar qilinganidek, Fransiya hukumati rossiyalik oligarxlarning mamlakatdagi barcha aktivlarini musodara qilishni boshladi. Shunday qilib, bugun Fransiya rasmiylari Rosneft rahbari Igor Sechinga tegishli yaxtani musodara qilgani haqida xabar berilgan edi.
