Emmanuel Macron rossiyalik muxolif siyosatchi Alexei Navalnyning vafotiga ikki yil to‘lishi munosabati bilan bayonot berdi. U o‘z murojaatida Navalniy xotirasini hurmat qilishini bildirib, uning o‘limi Kremlning zaifligi va har qanday muxolif siyosatchidan qo‘rqishining yaqqol dalili bo‘lganini yana bir bor ta’kidladi.
“Ikki yil avval dunyo Alexei Navalny’ning vafoti haqida xabar topdi. Men uning xotirasini hurmat qilaman. O‘shanda men uning o‘limi Kremlning zaifligi va har qanday muxolif siyosatchidan qo‘rqishining yaqqol dalili ekaniga ishonchim komil ekanini aytgandim. Bugun esa bu o‘lim ataylab sodir etilgani ayon bo‘ldi. Adolat qaror topishini kutar ekanmiz, haqiqat oxir-oqibat tantana qiladi”, — dedi Fransiya rahbari.
Avvalroq Buyuk Britaniya, Shvetsiya, Fransiya, Germaniya va Niderlandiya rasmiylari Navalniyning biomaterial namunalari tahliliga asoslanib, u Janubiy Amerika qurbaqasi terisidan olinadigan o‘ta zaharli modda — epibatidin bilan zaharlangani haqida ma’lum qilgan edi.
Mazkur bayonot xalqaro hamjamiyatda Navalniy o‘limi yuzasidan mas’uliyat va adolat masalasi yana kun tartibiga chiqqan bir paytda yangradi. Yevropa davlatlari ushbu ish bo‘yicha haqiqat to‘liq ochilishi va aybdorlar javobgarlikka tortilishi lozimligini ta’kidlab kelmoqda.