Maktablarda kuzgi ta’til boshlanish sanasi ma’lum bo‘ldi

 

Maktab o‘quvchilari uchun kuzgi ta’til 4-noyabrdan boshlanadi. Bu haqda Xalq ta’limi vazirligi axborot xizmati ma’lum qildi.

 

Qayd etilishicha, I chorakning so‘nggi kuni 3-noyabrga to‘g‘ri kelib, 4-noyabr sanasi kuzgi ta’tilning ilk kuni sanaladi. Ta’til 6 kalendar kun, ya’ni 9-noyabrgacha davom etadi. 

 

II chorak esa 10-noyabrdan boshlanadi.

 

Eslatib o‘tamiz, o‘quv yili davomidagi ta’tillarning muddatlari O‘zbekiston Respublikasi Vazirlar Mahkamasining Umumiy o‘rta ta’lim to‘g‘risidagi nizomni tasdiqlash haqidagi Qaroriga asosan belgilanadi.