Tojikistonlik mashhur bloger, aktyor, xonanda va bokschi Abduroziq unashtirilganini eʼlon qildi. Bu haqda u o‘zining instagram sahifasida post joyladi.
Maʼlumotlarga ko‘ra, u Birlashgan Arab amirliklarida yashovchi qizga unashtirilgan. To‘y 7 iyul kuni Dubayda bo‘lishi rejalashtirilgan.
«Bilasiz, mening yoshim 20 da. Shu paytgacha meni sevadigan, hurmat qiladigan qizni sevishni juda ham orzu qilardim. Ha, bu orzu edi. Kutilmaganda, men uni topdim. Meni hammadan ko‘p sevadigan, hurmat qiladigan qizni topdim. Buni qanday tasvirlashni ham bilmayman, chunki juda hayajondaman», — deydi u.