Sergey Lavrov Xitoy tashqi ishlar vaziri Van I bilan uchrashdi. Bu haqda “TASS” xabar berdi. Uchrashuv chorshanba kuni Xitoy sharqidagi Tunsi shahrida bo‘lib o‘tgan.
“Yil boshidan buyon Xitoy-Rossiya munosabatlari xalqaro vaziyatning o‘zgarishi fonidagi sinovlarni yengib o‘tdi. Biz to‘g‘ri yo‘nalishni saqlab qoldik, qatʼiy rivojlanish tendensiyalarini namoyish etdik”, – degan Van I.
Uning qo‘shimcha qilishicha, ikki davlatning o‘zaro aloqalarni rivojlantirishga harakatlari yana-da qatʼiylashgan. Vazirning so‘zlariga ko‘ra, Xitoy tomoni bunga katta ahamiyat bermoqda. Shu bilan birga diplomat Sergey Lavrovni “eski do‘st” deb atagan.
Lavrov 31-mart kuni Afg‘oniston bilan qo‘shni davlatlar konferensiyasida ishtirok etish uchun Xitoyga kelgan.
Avvalroq RF tashqi ishlar vaziri AQSHni qator davlatlar siyosatiga taʼsir o‘tkaza olmasligini maʼlum qilgandi.